ADPU-nun Quba filialının tələbələri olan gənclər YAP Quba rayon təşkilatını respublika turnirində təmsil ediblər

Oktyabrın 30-da Yeni Azərbaycan Partiyasının təsis edilməsinin 30 illiyinə həsr olunmuş sərbəst və yunan-roma güləşi üzrə turnirə start verilib.

C qrupu üzrə 10 komandanın ( Abşeron, Sumqayıt, Xızı, Siyəzən, Şabran, Quba, Qusar, Xaçmaz, Şuşa və Zəngilan) mübarizə apardığı ümumrespublika turnirinə Abşeron Olimpiya İdman Kompleksində, əsasnaməyə uyğun olaraq görüşlər keçirilib.

Turnirdə YAP Quba rayon təşkilatını , məşqçi Röşən Əliyevin başçılığı altında sərbəst güləş üzrə

65 kq çəki dərəcəsində Mərdanov Səfa,

70 kq çəki dərəcəsində Mürşüdov Nurlan,

74 kq çəki dərəcəsində Mehtiyev Şahnur, yunan-roma güləşi üzrə

67 kq çəki dərəcəsində Məlikov Mirsamir,

72 kq çəki dərəcəsində Qəribov Elçin,

77 kq çəki dərəcəsində Mustafayev Mustafa təmsil ediblər.

Oyunun nəticələrinə əsasən C qrupunda ən yüksək nəticə göstərən Abşeron və Sumqayıt komandalarıın güləşçiləri növbəti mərhələyə vəsiqə qazanıb.

Hər bir komanda üzvlərinə müvəffəqiyyətlər arzulayırıq.