Azərbaycan Dövlət Pedaqoji Universiteti
Quba Filialı

Quba rayon Mədəniyyət Mərkəzində Nizaməddin Şəmsizadənin 65 illik yubileyi keçirilib.

ADPU - nu Quba filialının direktoru Dosent Yusif Alıyev tanınmış ədəbiyyatşünas Nizaməddin Şəmsizadənin 65 illik yubileyində iştirak edib.

      Noyabrın 16-da Bəşir Səfəroğlu adına Quba rayon Mədəniyyət Mərkəzində Quba Rayon İcra Hakimiyyəti və Xaçmaz Regional Mədəniyyət İdarəsinin birgə təşkilatçılğı ilə Dövlət mükafatı laureatı, filologiya elmləri doktoru, professor Nizaməddin Şəmsizadənin 65 illik yubileyinə və ədəbi fəaliyyətinin 40 illiyinə həsr olunmuş “Mən kiməm?” adlı ədəbi-bədii gecə keçirilib. Tədbirdə Millət vəkili Vahid Əhmədov, Quba rayon İcra Hakimiyyətinin başçısının birinci müavini Allahverdi Xudaverdiyev, Xaçmaz Regional Mədəniyyət İdarəsinin rəisi Nazim Ağayev, elm və mədəniyyət xadimləri, ictimaiyyət nümayəndələri iştirak ediblər.Tədbirdə həmçinin ADPU-nun Quba filialının direktoru dosent Yusif Alıyev də iştirak edib.
Gecəyə toplaşanlar teatrın foyesində alimin ədəbi-bədii yaradıcılığını əhatə edən nəşrlərdən ibarət sərgi ilə tanış olublar. Tədbirdə çıxış edənlər N.Şəmsizadənin həyat və yaradıcılığından danışıb. Bildirilib ki, Nizaməddin Şəmsizadə Azərbaycan ədəbi-tənqidi, ümumilikdə Azərbaycan ədəbiyyatşünaslığı tarixində öz fərdi elmi-nəzəri təfəkkürü ilə seçilən, çağdaş alimlər arasında nüfuzu olan, dərin ədəbi, elmi-nəzəri araşdırmalarında zəngin fəlsəfi mühakimələri ilə də elmi-nəzəri dünyagörüşümüzü zənginləşdirən alimdir. Nizaməddin Şəmsizadə Azərbaycan ədəbiyyatşünaslığlı, tənqidi və fəlsəfi fikri tarixində çoxəsrlik Azərbaycan ədəbi irsini, müasir Azərbaycan ədəbiyyatı tarixini elmi əsaslarla təhlil və tədqiq etmiş alim kimi mükəmməl elmi irsə malikdir. Onun böyük bir dövrü əhatə edən, 40 illik ədəbi, bədii, elmi, ictimai və pedoqoji fəaliyyəti müasiri olan Azərbaycan ədəbiyyatşünasları tərəfindən obyektiv şəkildə təhlil və tədqiqini tapmışdır. 250-dən çox ədəbi-tənqidi, elmi-nəzəri və fəlsəfi-publisistik məqalənin müəllifidir. Gecədə N.Şəmsizadə haqqında vaxtı ilə dəyərli söz adamlarının dediyi fikirlər səsləndirilib, şeirlərindən nümunələr ifa olunub.

 

  • Mənbə: ADPU Quba filialın ictimaiyyətlə əlaqələr şöbəsi

  • Şəmbə, 16 Noyabr 2019


  • Müəllif: Yusif Abayev


Oxşar xəbərlər

ADPU-nun Quba Filialında I tədris ili tələbələri ilə tanışlıq görüşü keçirilib

Cümə axşamı, 19 Sentyabr 2019

ADPU-nun Quba Filialının Elmi Şurasının növbəti iclası keçirilib.

Cümə, 25 Oktyabr

Payız imtahanlarının keçirilmə vaxtları. 2018-2019 cu tədris ili üçün.

Çərşəmbə axşamı, 8 Yanvar 2019