Azərbaycan Dövlət Pedaqoji Universiteti
Quba Filialı

ADPU-nun Quba Filialının direktoru dosent Yusif Alıyev beynəlxalq konfransda onlayn məruzə edib.

Qırğız Milli Universitetində 2 noyabr 2019-cu ildə təşkil olunmuş "Təbiət və riyaziyyat fənlərinin məktəblərdə və universitetdə tədrisinin aktual problemləri" mövzusunda beynəlxalq elmi konfransa dəvət almışdır.

         Azərbaycan Dövlət Pedaqoji Universitetinin Quba filialının direktoru dosent Yusif Alıyev qardaş Qırğızıstan Respublikasının J. Balasaqın adına Qırğız Milli Universitetində 2 noyabr 2019-cu ildə təşkil olunmuş "Təbiət və riyaziyyat fənlərinin məktəblərdə və universitetdə tədrisinin aktual problemləri" mövzusunda beynəlxalq elmi konfransa dəvət almışdır. Lakin müəyyən səbəblərdən beynəlxalq konfransın işinə qatıla bilməyən dosent Yusif Alıyev konfransın təşkilat komitəsinin sədri Dr. Ulanbek Mambetakunovun səyi ilə konfransa onlayn formada qatılaraq öz məruzəsini webnar çıxış vasitəsilə təqdim etmişdi. Aktiv şəkildə keçən məruzə təqdimatın sual-cavab mərhələsi də maraqlı keçmiş, sonda məruzəyə görə onlayn şəkildə sertifikat da təqdim olunmuşdur. Filialın direktoru məruzəsində konfrans iştirakçılarına Azərbaycan təhsilinin uğurlarından, Pedaqoji Universitetdə kadr hazırlığının prioritetlərindən söz açaraq qloballaşma şəraitində təbiət və dəqiq elm fənlərinin tədrisinin xüsusi formada qurulduğunu qeyd ecib. Dosent Y. Alıyev həmçinin Quba filialının beynəlxalq çıxış imkanlarını artırmaq üçün Filialın maddi-texniki bazası əsasında müasir texnologiyalara uyğun yeni beynəlxalq əlaqəli webnar mərkəzin yaradılması ilə bağlı ciddi işlərin görüldüyünü də söyləyərək gələcəkdə Azərbaycanın region ali məktəblərinin də beynəlxalq rəqabətliliyə dözümlü olacağını qeyd edib.

 

  • Mənbə: ADPU Quba filialın ictimaiyyətlə əlaqələr şöbəsi

  • Şəmbə, 2 Noyabr 2019


  • Müəllif: Yusif Abayev


Oxşar xəbərlər

2 Fevral Gənclər Günü

Şəmbə, 2 Fevral 2019

ADPU-nun Quba Filialında Xocavənd rayonunun işğal edilməsi ilə bağlı anım mərasimi keçirilib

Çərşəmbə, 2 Oktyabr 2019

ADPU-nun Quba Filialında “e-Vətəndaş” layihəsinin təqdimatı keçirilib.

Bazar ertəsi, 27 May 2019