Azərbaycan Dövlət Pedaqoji Universiteti
Quba Filialı

ADPU - nun Quba filialında “Üz-üzə” Psixologiya klubun açılışı olub

ADPU-nun Quba filialında “Üz-üzə” Psixologiya klubunun “Hər insan bir psixologiya” adlı açılış mərasimi keçirildi.

Azərbaycan Dövlət Pedaqoji Unversitetinin (ADPU ) Quba filialının İctimaiyyətlə əlaqələr şöbəsinin verdiyi məlumata görə oktyabrın 24-də filialda “Üz-üzə” Psixologiya klubunun açılış mərasimi keçirilib. Tədbirdə filialın direktoru dosent Yusif Alıyev, “KarnegiKlub”un rəhbəri Dr.Nəcəf Allahverdiyev, “Empatiya” psixoloji nitq və inkişaf mərkəzinin rəhbəri Rəşidə Məhərrəmova, “Viqas” Psixoloji və nitq inkişaf mərkəzinin rəhbəri Fidan Hacıyeva və onun meneceri Mənsur Xaspoladov, həmçinin filialın professor, müəllim kollektivi, "Təhsildə sosial- psixoloji xidmət" ixtsasının tələbələri iştirak edib.

      Tədbiri açıq elan edən filialın direktoru dosent Yusif Alıyev tədbir iştirakçılarını salamlayıb, Psixologiya klubunda psixoloji konsultasiyalar, təlimlər, seminarlar, qrup terapiyaları təşkil olunacağını, bölgənin məktəb psixoloqları və respublkanın müxtəlif psixoloji mərkəzləri ilə əməkdaşlıqların qurulacağını diqqətə çatdırıb,“Təhsildə sosial-psixoloji xidmət” ixtisasının nə qədər böyük önəm daşıdığını, təhsilimiz, gələcəyimiz, gəncliyimiz üçün bu ixtisasın necə faydalı olduğunu vurğulayıb. Sonra qeyd edib ki, bu sahəyə marağın artırılması və tələbələrin savadlı kadr, cəmiyyətə yararlı mütəxəssis kimi yetişməsi üçün birlikdə çalışmaq, səy göstərmək lazımdır. Bildirib ki, yeni yaradılan Psixologiya klubunda artıq psixoloji yardımlar da göstəriləcək və ayrıca kabinet yaradılacaqdır. Çıxışının sonunda isə klubun ərsəyə gəlməsində əməyi olan hər bir kəsə dərin minnətdarlığını bildirib.

      Sonra tədbirdə çıxış edən klubun yaradıcısı, ideya müəllifi, həmçinin fakültənin “Təhsildə sosial-psixoloji xidmət” ixtisasının tyutoru Xəyalə Ələkbərova klubun adını, logosunu qonaqlara təqdim edib. O, klubun fəaliyyət planından, yaranma məqsədindən söz açaraq, bildirdi ki, klubun şüarı “Hər insan bir psixologiya”dır. Yəni dünyada nə qədər insan varsa, o qədər də psixologiya var. Hamı bir birindən fərqlidir və hər kəs özünəməxsusdur.

Daha sonra isə “KarnegiKlub”un rəhbəri, “Moskva Ritorika və Natiqlik Bacarığı Universiteti”nin aparıcı təlimçisi, “Beynəlxalq Trenerlər Assosasiyasının” üzvü, Biznestrener və Couch Nəcəf Allahverdiyev “Bozdan rəngarəngə” mövzusunda psixoloji söhbətlə tədbirə rəng qatıb. Nəcəf Allahverdyev insanların pessimist və optimist düşüncələrinin onların həyat və fəaliyyətlərinə nə dərəcə əsaslı təsir etdiyindən danışıb.

       Tədbirdə çıxış edən filialın Tərbiyə işəri üzrə direktor müavini Aysel Şeydayeva da klubun fəaliyyətinə uğurlar arzulayıb, filialda yaradılan belə klubların tələbə-gənclərin inkişafı üçün fadasından söhbət açıb.

       Daha sonra “Təhsildə sosial-psixoloji xidmət” ixtisasının IV tədris ili tələbələrinin hazırladıqları “Psixoloq andı”na həsr olunan maraqlı videoçarx nümayiş olunub.

Tədbir Xəyalə Ələkbərovanın, filialın Məktəbəqədər təlim tərbiyə ixtisasının tyutoru Püstəxanım Seyidovanın və filialın IV tədris ili tələbəsi Təranə Qədirvanın iştirakı ilə “Psixologiyada doğru bildiyimiz yanlışlar” mövzusunda səhnələşdirilmiş formatda təqdim etdikləri psixoloji söhbətlə davam etdirilib.

       Sonda Pedaqoji fakültənin dekan müavini, psixoloq-müəllim Nübar Bayramovaya söz verilib.. O, öz çıxışında bildirib ki, bu klub özünəməxsus formada açılış edib. Bundan sonra da klubumuzda fərqli formatda təlimlər, seminarlar, qrup terapiyaları, əməkdaşlıqlar təşkil olunacaq. O, sonda “Damğalanma” adlanan psixoloji oyun keçirərək, auditoriyada maraqlı ab-hava yaratmağa nail olub.

Tədbir ümumilikdə bütün iştirakçıların marağına səbəb olub.Sonda xatirə şəkli çəkdirilib

 

  • Mənbə: ADPU Quba filialın İctimaiyyətlə əlaqələr şöbəsi

  • Cümə, 25 Oktyabr 2019


  • Müəllif: Yusif Abayev


Oxşar xəbərlər

Quba RTŞ-nin əməkdaşları ADPU-nun Quba Filialında tələbələr ilə görüş keçirib.

Çərşəmbə, 22 May 2019

ADPU-nun Quba Filialının bir qrup əməkdaşı “Yeni Azərbaycan Partiyası-26 il” adlı tədbirdə iştirak edib.

Çərşəmbə axşamı, 20 Noyabr 2018

ADPU-nun Quba Filialının tələbələri IV Qış Elm Festivalında II yerin qalibi oldular.

Çərşəmbə, 26 Dekabr 2018