Azərbaycan Dövlət Pedaqoji Universiteti
Quba Filialı

ADPU-nun Quba Filialında Şahdağ Milli Parkının əməkdaşı ilə görüş keçirilib.

Noyabrın 13-də Azərbaycan Dövlət Pedaqoji Universitetinin (ADPU)Quba filialında görüş keçirilib.

      Görüşdə filialın direktoru dosent Yusif Alıyev, Şahdağ Milli Parkının Quba bölməsinin direktor müavini Aqşin Qurbanov, filialın Tədris və elmi işlər üzrə direktor müavini tarix üzrə fəlsəfə doktoru İsmayıl Mahmudov, Tərbiyə işləri üzrə direktor müavini Aysel Şeydayeva, Pedaqoji fakültənin dekanı filologiya üzrə fəlsəfə doktoru Qələmşah İdrisov, Təbiət fənləri və onun tədrisi metodikası kafedrasının müdiri dosent Güləddin Həmzəyev iştirak edib.Görüşün əsas məqsədi haqqında danlşan filialın direktoru dosent Yusif Alıyev bildirib ki, ADPU Quba Filialı, Quba Destinasiya Mərkəzi, Şahdağ Milli Parkının Quba bölməsi klasterinin yaradılması, bu klasterin daxilində əməkdaşlığın aparılması əslində günün tələbidir.O vurğulayıb ki,Dayanlqlı İnkişaf- BMT-nin İnkişaf Proqramınln icrasına əsasən insan inkişafında nailiyyətlərin əldə olunması üçün bacarıqlar birləşdirilməlidir.Bu məqsədlə də əlimizdən gələni etməliyik. Hazırda eko-infoturların təşkili, ekoturizm imkanlarından səmərəli istifadə, bölgənin öyrənilməsi, Şahdağ ekosisteminin biomüxtəlifliyi haqqında məlumatların əldə edilməsinə tələbələrin cəlb olunması xüsusilə vacibdir.Y.Alıyev qeyd edib ki, tələbələr bölgənin öyrənilməsində, praktik çöl təcrübəsi aparmaqda maraqlıdırlar.Tələbələrin elmi tədqiqat işlərinə cəlb olunması zamanı Şahdağ Milli Parkının Quba bölməsinin imkanlarından istifadə etmək daha yararlı və yüksək nəticələr əldə etməyə imkan yaradacaqdır. Daha sonra bildirib ki, əməkdaşlığın həm də digər əsas məqsədi bölgənin turizm imkanlarından səmərəli istifadə edə biləcək, turizmin inkişafı üçün yararlı ola biləcək bələdçilərin hazırlanması, bu məqsədlə təlimlərin keçirilməsi və filialda bu yönümdə yeni ixtisasların açılmasıdır.
       Dosent Y.Alıyevin fikirləri Aqşin Qurbanov və digərləri tərəfindən xüsusi rəğbətlə qarşılanıb,bildiriblər ki, bu məqsədlərin icrasından irəli gələn vəzifələrin həlli üçün hamının öz gücünü səfərbər etməsi vacibdir.Çünki hamı Azərbaycanın gələcəyi üçün savadlı peşəkar kadrların yetişdirilməsində, dövlətimizin inkişafında əlindən gələni əsirgəməməli, maraqlı olmalıdır

  • Mənbə: ADPU Quba filialın ictimaiyyətlə əlaqələr şöbəsi

  • Çərşəmbə, 13 Noyabr 2019


  • Müəllif: Yusif Abayev


Oxşar xəbərlər

Azərbaycan Gənclərinin VIII Forumu

Cümə, 19 Noyabr 2018

ADPU-nun Quba Filialında Azad Nəbiyev adına “Bilgə ocağı”nın açılışı olub

Bazar ertəsi, 21 Oktyabr 2019

ADPU-nun Quba Filialında "Azərbaycan ədəbiyyatında Mirzə Cəlil yolu" adlı elmi-praktiki konfrans keçirilib.

Çərşəmbə, 6 Noyabr 2019