Azərbaycan Dövlət Pedaqoji Universiteti
Quba Filialı

ADPU-nun Quba Filialında Azad Nəbiyev adına “Bilgə ocağı”nın açılışı olub

Oktyabrın 21-də Azərbaycan Dövlət Pedaqoji Universitetinin (ADPU) Quba filialında akademik Azad Nəbiyev adına “Bilgə ocağı”nın açılışı olub. Akademik Azad Nəbiyev adına “Bilgə ocağı” filialın yataqxanasında yaradılıb.

Bu münasibətlə keçirilən tədbirdə filialın direktoru dosent Yusif Alıyev, şair Ramiz Qusarçaylı, Quba rayon “Şəfəq” qəzetinin baş redaktoru Qəhrəman Qasımov və filialın professor -müəllim, tələbə heyəti iştirak edib.

Tədbiri giriş sözü ilə açıq elan edən filialın direktoru dosent Yusif Alıyev “Bilgə ocağı”nın akademik Azad Nəbiyev adına adlandırılmasının xüsusi əhəmiyyəti olduğunu vurğulayıb, bu adın seçilməsinin  filialın direktoru olaraq özünün və filial kollektivinin  Quba və qubalılara olan sevgisindən irəli gəldiyini qeyd edib. Sonra Qubanın tanınmış alim və ziyalılarından olan, folklorşünas, ədəbiyyatşünas, filologiya elmləri doktoru, professor, Beynəlxalq Ekoenergetika Akademiyasının akademiki, Azərbaycan Yazıçılar Birliyinin üzvü, Əməkdar müəllim, Azərbaycan Mill Elmlər Akademiyasının müxbir üzvü  Nəbiyev Azad Mövlud oğlunun  həyat və fəaliyyəti haqqında ətraflı məluamt verib,  “Bilgə ocağı”nın yaradılmasının gənclər üçün əhəmiyyətindən danışaraq bildirib ki, filialda bundan sonra da Azərbaycanın gələcəyi üçün savadlı kadrların, layiql vətəndaşların yetişdirilməsi məqsədi ilə  daha böyük layihələrə imza atılacaqdır və əminliklə vurğulayıb ki, Akademik Azad Nəbiyev adına “Bilgə ocağı” bundan sonra yaradıcı gənclərin toplaşdığı məkan olacaqdır.Sonda çıxışında bildirib ki, bugün həm də filialın Pedaqoji təcrübə rəhbəri Səlimə Müzəffərovanın 65 yaşı tamam olur.Bu münasibətlə uzun illərdir filialda çalışan,uğurlu pedaqoji fəaliyyəti ilə hər zaman seçilən,  kollektivin dərin hörmət və rəğbətini qazanan Səlimə xanımı kollektiv adından  təbrik edib, ona fəaliyyətində uğurlar arzulayıb.

Daha sonra şair Ramiz Qusarçaylı çıxış edərək Akademik Azad Nəbiyev adına “Bilgə ocağı”nın açılmasının əhəmiyyətindən danışıb, filiala yeni təyin olunan gənc və istedadlı kadr dosent Yusif Alıyevin  belə yeni ideyalarla gəncləri ruhlandırdığını,  diqqətə çatdırıb, ona uğurlar arzu edib. Şairin səsləndirdiyi şeirlər də hamının marağına səbəb olub.

Tədbirdə çıxış edən Quba rayon “Şəfəq” qəzetinin baş redaktoru Qəhrəman Qasımov filialda yaradılan belə mərkəzlərin, klubların gəncləri elmi fəaliyyətə, bədii yaradıcılığa ruhlandırdırdığını vurğulayıb, yaradıcı gənclərin fəaliyyətinə “Şəfəq” qəzetinin yayımında  hər zaman yer olduğunu bildirib.

Daha sonra tədbirdə filialın Tərbiyə işləri üzrə direktor müavini Aysel Şeydayeva, filialın Pedaqoji fakültəsinin dekanı  filologiya üzrə fəlsəfə doktoru Qələmşah İdrisov, Təbiət fənləri və onun tədrisi metodikası kafedrasının müdiri dosent Güləddin Həmzəyev, Ədəbiyyat və dillər kafedrasının müdiri dosent Gülşən Ağabəy, filialın əməkdaşı Dəyanət Şirinova çıxış edərək filialın direktoru dosent Yusif Alıyev tərəfindən tələbə-gənclər üçün yaradılan belə şəraitin sözün həqiqi mənasında Azərbaycan təhsilinə, Azərbaycan gəncliyinə göstərilən diqqət və qayğının bariz nümunəsi olduğunu vurğulayıb, bu məsuliyyətli işdə hər zaman bir komanda kimi dosent Yusif Alıyevin ətrafında sıx birləşəcəklərini  diqqətə çatdırıblar.

  • Mənbə: ADPU Quba filialı

  • Bazar ertəsi, 21 Oktyabr 2019


  • Müəllif: Mətbuat xidməti


Oxşar xəbərlər

ADPU-nun Quba Filialında tələbələrlə görüş keçirildi.

Bazar ertəsi, 24 Sentyabr 2018

ADPU-nun Quba Filialında görüş keçirilib.

Cümə, 23 Noyabr 2018

Şərqşünas alim Aidə İmanquliyevanın 80 illik yubileyi Quba filialında qeyd olundu

Bazar ertəsi, 14 Oktyabr 2019