Azərbaycan Dövlət Pedaqoji Universiteti
Quba Filialı

ADPU-nun Quba filialına yeni direktor təyin olundu

ADPU-nun Quba filialına yeni təyin olunan direktor kollektivə təqdim olunub

Sentyabr ayının 2-də Azərbaycan Dövlət Pedaqoji Universitetinin (ADPU) Quba filialına yeni  təyin olunmuş direktor dosent Yusif İmrayıl oğlu Alıyev  kollektivə  təqdim olunub.

Təqdimatda ADPU-nun tədris işləri üzrə prorektoru dosent Eldar Aslanov, filialın sabiq direktoru professor Əli Allahverdiyev və filialın professor-müəllim heyəti iştirak edib.

Qeyd edək ki, Azərbaycan Dövlət Pedaqoji Universitetinin (ADPU) Quba filialının direktoru, professor Əli Allahverdiyev öz ərizəsi ilə işdən ayrılıb və universitetdə digər vəzifəyə təyin olunub. Təhsil nazirinin müvafiq əmrilə filial direktoru vəzifəsinə dosent Yusif Alıyev təyin edilib. Dosent Yusif Alıyev bu təyinata qədər ADPU-nun Elm və innovasiyalar şöbəsinin müdiri olub.

Tədbiri giriş sözü ilə açan professor Əli Allahverdiyev son illər ADPU-nun Quba filialında əldə olunmuş uğurlu nəticələrdən danışıb.Sonra professor Əli Allahverdiyev sözü ADPU-nun tədris işləri üzrə prorektoru dosent Eldar Aslanova verib.Dosent Eldar Aslanov ADPU-nun rektoru professor  Cəfər Cəfərovun və öz adından kollektivi salamlayıb, ADPU-nun Quba filialının uğurlarına görə sabiq direktor  professor Əli Allahverdiyevə və filialın  kollektivinə öz təşəkkürünü bildirib, ADPU-nun Quba filialına yeni təyin olunan direktor dosent Yusif Alıyevi kollektivə təqdim edib, onun haqqında məlumat verib.

Daha sonra professor Əli Allahverdiyev sözü  dosent Yusif Alıyevə verib. Çıxış edən direktor dosent Yusif Alıyev də təhsil naziri Ceyhun Bayramova və ADPU-nun rektoru professor Cəfər Cəfərova ona göstərdikləri etimada görə təşəkkür edib və bu etimadı doğruldaraq təhsilimizə dövlət tərəfindən göstərilən diqqət və qayğını filialda da davam etdirəcəyini bildirib.

Daha sonra filialın “Təbiət fənləri və onun tədrisi metodikası” kafedrasının müdiri dosent Güləddin Həmzəyev, filialın Pedaqoji  fakültəsinin dekanı filologiya üzrə fəlsəfə doktoru Qələmşah İdrisov və digərləri çıxış edib, son illər filialda professor Əli Allahverdiyevin rəhbərliyi ilə görülən işlərdən danışıb, dosent Yusif Alıyevə direktorluq fəaliyyətində uğurlar arzu ediblər.

  • Mənbə: ADPU Quba filialı

  • Bazar ertəsi, 2 Sentyabr 2019


  • Müəllif: Yusif Abayev


Oxşar xəbərlər

ADPU-nun Quba Filialının əməkdaşları “Sözləri ecazdı Qusarçaylının” adlı kitab təqdimatında iştirak ediblər.

Şəmbə, 26 Oktyabr 2019

Universitet-kollec-litsey klasteri

Çərşəmbə, 25 Sentyabr 2019

ADPU-nun Quba Filialında I tədris ili tələbələri ilə görüş keçirilib.

Çərşəmbə axşamı, 17 Sentyabr 2018