ADPU-nun Quba filialında növbəti imtahan sessiyasının şəffaf, obyektiv və mütəşəkkil təşkili məqsədilə tələbə qrup nümayəndələri ilə işgüzar görüş baş tutub. İmtahan Qərargahının sədri Kamal Kamalov, fakültə dekanı Nubar Bayramova və dekan müavini t.f.d Mürvət Əliyevin də iştirak etdiyi görüşdə imtahan qaydaları, sessiya müddətində tələbələrin hüquq və vəzifələri, həmçinin İmtahan Qərargahı ilə Apellyasiya Komissiyasının fəaliyyət prinsipləri barədə ətraflı məlumat verilib.
Rəhbərlik tərəfindən qrup nümayəndələrinə imtahan qaydalarını öz qruplarında bir daha diqqətə çatdırmaq tapşırılıb və filialda tələbələrin biliklərinin tam obyektiv qiymətləndirilməsi üçün hər bir şəraitin yaradıldığı vurğulanıb. Sonda tələbələrin sualları və təklifləri dinlənilib, operativ şəkildə dəyərləndirilib.
Digər xəbərlər
