Şeydayev Eyvaz Pirzada oğlu 15 may 1957-ci ildə Quba rayonunun Mirzəməmmədkənd kəndində qulluqçu ailəsində anadan olmuşdur.
Təhsili:
1974-cü ildə Quba 4 saylı internat məktəbini bitirmişdir.
1979-cu ildə Azərbaycan Dövlət Universitetinin (İndiki Bakı Dövlət Universitetinin) şərqşünaslıq fakültəsinin türk dili şöbəsini filoloq, türk və Azərbaycan dilləri və ədəbiyyatı müəllimi, tərcüməçi ixtisasları ilə bitirmişdir.
Əmək fəaliyyəti:
1979 -1980-ci tədris ilində Quba rayonu Rustov kənd orta məktəbində dil- ədəbiyyat müəllimi işləmişdir.
1980-1985-ci illərdə Quba rayonunun Əlibəyqışlaq kənd orta məktəbindən dil-ədəbiyyat müəllimi işləmişdir.
1985-1987-ci illərdə könüllü olaraq SSRİ silahlı qüvvələrində zabit kimi hərbi xidmət etmişdir.
1987-ci ilin sentyabrından 1994-cü ilin sentyabrınadək Quba rayon Petropavlovka (indiki Dəlləkli ) kənd natamam orta məktəbinin direktoru vəzifəsində çalışmışdır.
1994-2014-cü illərdə Quba Özəl Türk liseyində dil- ədəbiyyat müəllimi işləmişdir.
2014-cü ildən ADPU Quba filialında (Əvvəlki Müəllimlər İnstitutunun Quba filialı)n müəllim təyin olunmuşdur.
Hazırda həmin universitetin Ədəbiyyat və dillər kafedrasında 1 ştat baş müəllim vəzifəsində çalışır.
İctimai fəaliyyəti.
Üç dəfə özəl məktəblərin müəllimləri arasında keçirilən “İlin müəllimi” müsabiqəsinin qalibi olmuşdur.
“İlin fənn kabineti” müsabiqələrinin qalibi olmuşdur.
Yetirmələrinin respublika fənn olimpiadalarının yekun turunda on ildən artıq ardıcıl olaraq qaliblər sırasında (1,2,3 yerlər) olduğu üçün,
DİM keçirdiyi qəbul imtahanlarında Azərbaycan dili və ədəbiyyat fənlərindən ölkədə ən yaxşı nəticə göstərən on məktəb sırasına daxil olduğuna görə,
”Ana dili millətin mənəvi sərvətidir” adlı ümumrespublika inşa müsabiqəsində yetirmələrinin göstərdiyi yüksək nəticələrə görə rayon təhsil şöbəsi və məktəb rəhbərliyi tərəfindən 30-a qədər fəxri fərman, təşəkkürnamə və pul mükafatlarına layiq görülmüşdür.
“Ana dilimizi sevək, sevdirək” adlı respublika səviyyəli şeir-inşa müsabiqəsinin münsiflər heyətinin üzvü olduğu və bu işin təşkilində fəal iştirakına görə təşkilat komitəsi tərəfindən Fəxri fərmana layiq görülmüşdür.
2007 –ci ildə Azərbaycan Respublikası Təhsil Nazirliyi tərəfindən “Qabaqcıl təhsil işçisi” döş nişanı ilə təltif edilmişdir.
2020-ci ildəki fəaliyyətin reytinq qiymətləndirilməsindəki yüksək nəticəyə görə ADPU Quba filialı rəhbərliyinin sertifikatına layiq görülmüşdür.
2021-ci ildə “Nizami Gəncəvi – 880” tədbirlərindəki fəaliyyətinə görə ADPU Quba filialı rəhbərliyinin sertifikatı – fəxri fərmanı ilə təltif edilmişdir.
Ailəlidir, 1 oğlu və 1 qızı var.
