Yüksək bal toplayan tələbələr: seçimimizin təməlində ADPU-nun Quba filialındakı yüksək və peşəkar təhsil dayanır
Quba filialında Dövlət İmtahan Mərkəzinin keçirdiyi imtahanlardan 500 baldan yüksək nəticə göstərərək Azərbaycan Dövlət Pedaqoji universitetinin Quba filialını seçmiş tələbələrlə görüş keçirilmişdir. Görüşdə Tədris və elmi işlər üzrə direktor müavini t.ü.f.d İ.Ş.Mahmudov, Strateji məsələlər üzrə mütəxəssis s.e.ü.f.d. S.H.Hacıyev, İnsan resursları və kargüzarlıq şöbəsinin müdiri S.A.Cabbarov, Keyfiyyətin təminatı şöbəsinin aparıcı mütəxəssisi E.V.Yarəmmədov, mütəxəssis E.İ.Quliyev və yüksək bal taplayan tələbələr iştirak etmişlər.
Tədris və elmi işlər üzrə direktor müavini İsmayıl Mahmudov çıxış edərək ADPU-nun Quba filialını seçmiş tələbələri təbrik etdi. Yeni qəbul olunmuş tələbələrə yeni tədris ilində uğurlar arzuladı, tədris prosesi ilə bağlı və onlar üçün filialda yaradılmış şərait barəsində geniş məlumat verdi. Direktor müavini diqqətə çatdırdı ki, Prezident İlham Əliyevin rəhbərliyi ilə həyata keçirilən Azərbaycanın elm və təhsil siyasətinin bütün istiqamətləri Filialda layiqincə icra olunur.
ADPU-nun Quba filialının direktoru, fizika elmləri doktoru, dosent Yusif Alıyevin salamlarını və təbriklərini tələbələrə çatdıran strateji məsələlər üzrə mütəxəssis Sabir Hacıyev diqqətə çatdırıb ki, görüşün məqsədi tələbələrin təhsil qayğısı ilə maraqlanmaq, filialın ictimai işlərində və yaradıcı mühitində onların imkanlarını öyrənməkdir. Yüksək pal toplayan tələbələrin bütün göstəricilər üzrə nümunəvi olmasını, ictimai işlərdə fəallıq göstərməklərini arzu edirik.
İnsan resursları və kargüzarlıq şöbəsinin müdiri Seyid Cabbarov çıxışında təbriklərini çatdırdırmaqla yanaşı tələbələrə araşdırmaya yönümlü olmalarını, universitetin kitabxanasından, informasiya texnologiyaları kabinetindən və digər xidmətlərdən müntəzəm istifadə etmələrinin vacibliyini vurğuladı və tələbələrə öz tövsiyələrini verdi.
Keyfiyyətin təminatı şöbəsinin aparıcı mütəxəssisi Emin Yarəmmədov və həmin şöbənin mütəxəssisi Eldəniz Quliyev öz çıxışlarında tələbələrə öz təbriklərini çatdırmaqla bərabər ADPU-nun Quba filialı haqqında məlumat verdilər. Yüksək nəticə ilə qəbul olunmuş tələbələrin digər tələbələrə nümunə olmaqla yanaşı motivasiya qaynağı olduqlarını diqqətə çatdırdılar.
Yüksək toplayan tələbələr də özləri haqqında məlumat verməklə yanaşı ADPU Quba filialını seçmələri ilə bağlı öz təəssüratlarını bölüşdülər:
Eyyubova Həlimə Anar qızı:
Quba rayonunda 9.07.2007-ci il tarixində anadan olmuşam. Quba rayonu Mehrab Niftəliyev adına Texniki təmayüllü liseyi bitirmişəm. Müəllimlik ixtisasını, Azərbaycan dili və ədəbiyyat fənnini çox sevdiyim üçün bu ixtisası seçmişəm. Yaşadığım regionda yerləşən ali təhsil müəssisəsi olan Azərbaycan Dövlət Pedaqoji Universitetinin Quba filialının uğurlarını, təhsil səviyyəsinin yüksək olduğunu nəzərə alaraq bu təhsil ocağını seçmişəm.
Dadaşova Xəyalə Mənsur qızı:
Quba rayon 2-ci Nügədi kəndində 26.08.2007 tarixində anadan olmuşam. 2-ci Nügədi kənd 1 saylı tam orta məktəbi bitirmişəm. ADPU Quba filialını seçməyimin səbəbi həm yaşadığım rayonda olması, həm də digər filiallardan şərait və təhsil cəhətdən eyni səviyyədə, hətta daha yüksək olmasıdır.
Məmmədova Xədicə Sərdar qızı:
Quba şəhərində 1.10.2007-ci il tarixində anadan olmuşam. H.Hüseynov adına 4 saylı tam orta məktəbi bitirmişəm. Seçdiyim ixtisas Quba filialında, öz yaşadığım şəhərdə olduğu üçün, həmçinin bu universitetin tələbəsi olan bacımın universitet haqqında yüksək fikirdə olması da seçimimdə rol oynadı.
Tayıbova Aytac Mürsəl qızı:
Bakı şəhərində 30.01.2000-ci il tarixində anadan olmuşam. Təngəaltı kənd tam orta məktəbini bitirmişəm. Öz doğma rayonum olduğuna və təhsil səviyyəsi yüksək olduğuna görə, ADPU Quba filialını seçmişəm. İngilis dili qabaqcıl dillərdən olduğu üçün ingilis dili müəllimliyi ixtisasını seçmişəm.
Novruzova Nəzrin Dəyanət qızı:
Quba rayonunda 23.10.2007 tarixində anadan olmuşam. Aşağı Atuc kənd tam orta məktəbini bitirmişəm. ADPU Quba filialını seçmə səbəbim regionumda yerləşdiyi üçün mənim üçün bütün göstəricilərə görə, çox əlverişlidir.
Sonda tələbə Novruzova Nəzrinin valideyni Novruzov Dəyanət çıxışında tələbələri təbrik etdi, onlara uğurlar arzulayaraq yüksək təhsil şəraitinə və göstərilən diqqətə görə dövlətimizə minnətdarlığının ifadə etdi.
Yüksək bal toplayan tələbələr görüş zamanı diqqətə çatdırıldı ki, onların tədris ocağı seçiminin təməlində ADPU-nun Quba filialındakı yüksək və peşəkar təhsil dayanır. Qeyd olunub ki, peşəkar pedaqoji kollektiv, zəngin kitabxana, yüksək təhsil üçün yaradılan digər şəraitlər gənclər üçün olduqca cəlbedicidir.
Digər xəbərlər
