ADPU-nun Quba filialının kollektivi 15 İyun – Milli Qurtuluş Günü münasibətilə Qubada Ulu Öndər Heydər Əliyevin abidəsini ziyarət edib.

14 iyun 2025-ci il tarixdə Milli Qurtuluş Günü münasibətilə müstəqil və müasir Azərbaycan Respublikasının memarı və qurucusu, xalqımızın Ümummilli Lideri Heydər Əliyevin Quba şəhərində adını daşıyan Mədəniyyət və İstirahət parkındakı abidəsi Rayon İcra Hakimiyyətinin başçısı İlqar Mahmudov, Rayon İcra Hakimiyyətinin və Yeni Azərbaycan Partiyası Quba rayon təşkilatının məsul şəxsləri, rayonun hüquq-mühafizə orqanlarının rəhbərləri və kollektivləri, ADPU-nun Quba filialının direktoru professor Yusif Alıyev, filialın kollektivi, rayon Ağsaqqallar Şurasının sədri, RİH yanında İctimai Şuranın sədri, şəhid ailələri və qazilər, regional və digər idarə, müəssisə və təşkilat rəhbərləri, rayon ictimaiyyətinin nümayəndələri tərəfindən ziyarət edilmiş, Ulu Öndərə ehtiram əlaməti olaraq abidə önünə gül dəstələri düzülmüşdür.