Quba filialında 8 May – Beynəlxalq Talassemiya Günü münasibətilə tədbir keçirilib

Quba filialında 8 May – Beynəlxalq Talassemiya Günü münasibətilə tədbir keçirilib

Azərbaycanda “Konstitusiya və Suverenlik İli” çərçivəsində və Azərbaycan Respublikasının Səhiyyə Nazirliyinin 2025-ci il üzrə fəaliyyət istiqamətlərinə uyğun olaraq 8 May – Beynəlxalq Talassemiya Günü münasibətilə mühüm bir təşəbbüs həyata keçirilmişdir.

8-10 may 2025-ci il tarixləri ərzində Respublika Qan Bankı Publik Hüquqi Şəxs tərəfindən Azərbaycan Dövlət Pedoqoji Universitetinin Quba filialı ilə əməkdaşlıq əsasında könüllü qanvermə aksiyası təşkil olunmuşdur. Bu təşəbbüs, sadəcə tibbi ehtiyaclara cavab verməkdən daha artıq olaraq, cəmiyyət arasında könüllü donorluq mədəniyyətinin formalaşdırılması və inkişaf etdirilməsinə yönəlmişdir. Aksiyanın əsas məqsədi – hal-hazırda talassemiya və digər irsi qan xəstəliklərindən əziyyət çəkən şəxslərə dəstək olmaqla yanaşı, vətəndaşlarda həmrəylik, mərhəmət və ictimai məsuliyyət dəyərlərinin təşviqidir. Belə aksiyalar vasitəsilə gənc nəsildə ictimai iştirakçılıq ruhunun gücləndirilməsi də hədəflənmişdir.