Quba filialının əməkdaşı Azərbaycan Respublikasının Prezidenti yanında Dövlət İdarəçilik Akademiyasında keçirilən tədbirdə iştirak edib

Quba filialının əməkdaşı Azərbaycan Respublikasının Prezidenti yanında Dövlət İdarəçilik Akademiyasında keçirilən tədbirdə iştirak edib

Azərbaycan Respublikasının Prezidenti yanında Dövlət İdarəçilik Akademiyasının (DİA) dəstəyi və “ELM” İctimai Birliyinin təşkilatçılığı ilə 29 aprel 2025-ci il tarixində Dövlət İdarəçilik Akademiyasında, ümummilli lider Heydər Əliyevin anadan olmasının 102-ci ildönümünə həsr olunmuş doktorantlar və gənc tədqiqatçıların elmi konfransı keçirilib. Tədbirdə millət vəkili, Azərbaycan Respublikasının Milli Məclisinin Elm və təhsil komitəsinin üzvü, ilahiyyat üzrə fəlsəfə doktoru Ceyhun Məmmədov, DİA-nın rektoru akademik Urxan Ələkbərov, “ELM” İctimai Birliyinin sədri Elvin Əzizbəyov, Xarici İşlər Nazirliyinin (XİN) şöbə müdiri, Dövlət İmtahan Mərkəzinin (DİM) Magistratura və doktorantura şöbəsinin müdiri, AMEA-nın, ADPU-nun əməkdaşları, görkəmli elm xadimləri, ali təhsil müəssisələrinin nümayəndələri olub. Tədbirdə həmçinin ADPU-nun Quba filialının sosial və humanitar məsələlər üzrə direktor müavini p.f.d Aysel Şeydayeva da iştirak edib.